ԱՄՆ պետքարտուղար Էնթոնի Բլինկենը և Թուրքիայի արտգործնախարար Հաքան Ֆիդանը հեռախոսազրույցի ընթացքում քննարկել են Սիրիայում վերջին իրադարձությունները։ Այս մասին հաղորդագրություն է տարածել ԱՄՆ պետքարտուղարությունը։
«Քարտուղար Բլինկենը քննարկել է իշխանության խաղաղ անցման անհրաժեշտությունը՝ ՄԱԿ-ի Անվտանգության խորհրդի 2254 բանաձևի ոգով: Նա ընդգծել է Սիրիայում «Իսլամական պետության» դեմ պայքարի համաշխարհային կոալիցիայի առաքելությունը շարունակելու անհրաժեշտությունը և ապահովել խաղաղ բնակչության, ներառյալ խոցելի խմբերի և քաղաքացիական ենթակառուցվածքների պաշտպանությունը ողջ երկրում: Եվ նա կրկնել է Սիրիայում գործող բոլոր անձանց կողմից մարդու իրավունքները հարգելու և միջազգային մարդասիրական իրավունքին հավատարիմ մնալու անհրաժեշտությունը»,- ասված է հայտարարության մեջ։
Բլինկենը ցավակցություն է հայտնել Թուրքիայի Իսպարտա նահանգում ուղղաթիռի կործանման հետևանքով թուրք զինվորականների մահվան կապակցությամբ։ Ֆիդանը Բլինկենին ասել է, որ Թուրքիան երբեք թույլ չի տա ահաբեկչական կազմակերպություններին օգտվել Սիրիայում ստեղծված իրավիճակից։ Ֆիդանը նաև ընդգծել է Սիրիայի տարածքային ամբողջականության և քաղաքական միասնության կարևորությունը։
