Ջրօգտագործողները երբեմն բողոքում են, որ իրենք վճարել են ջրի դիմաց, բայց իրենց վրա պարտքեր են գոյացել։ Այս հարցի լուծման համար ԲՀԿ պատգամավոր Սերգեյ Բագրատյանն օրենսդրական նախագիծ է մշակել, որն այսօր կառավարության նիստի ժամանակ ներկայացրեց էներգետիկ ենթակառուցվածքների և բնական պաշարների նախարարի պաշտոնակատար Հակոբ Վարդանյանը։ Նրա խոսքով՝ կարգավորման համաձայն` հնարավոր է լինելու ջրի դիմաց գումարները վճարել բանկային համակարգով։
Վարչապետ Նիկոլ Փաշինյանն արձագանքեց, որ խնդիրը հանգում է նրան, որ թվային օրակարգի հիման վրա պետք է լուծել․ եթե մարդն իր հեռախոսով փոխանցում կատարի, ապա այլևս ոչ ոք չի կարող գրպանել այդ գումարը, և արխիվների միջոցով հնարավոր կլինի ապացուցել, որ վճարումը կատարվել է։
