Առնվազն 18 մարդ է զոհվել, նրանց թվում՝ չորս երեխա, և 60-ը վիրավորվել են երկուշաբթի Բեյրութի գլխավոր կառավարական հիվանդանոցի մոտ իսրայելական հարձակման հետևանքով, հայտնում է Reuters-ը՝ վկայակոչելով երկրի առողջապահության նախարարությանը։
Իսրայելական ինքնաթիռները հարվածներ են հասցրել լիբանանյան «Հըզբոլլահ»-ի դիրքերին Բեյրութի Ռաֆիկ Հարիրիի համալսարանական հիվանդանոցի մոտ, սակայն չեն հարվածել հիվանդանոցին և հարվածը չի ազդել դրա վրա, երեքշաբթի հայտնել է իսրայելական բանակը:
Սակայն հիվանդանոցի տնօրեն Ջիհադ Սաադեն հայտարարել է, որ իսրայելական հարձակումը առաջացրել է մոտակայքում գտնվող բեկորներ, հավանաբար ծանր զինամթերքից, որոնք վնասել են բժշկական հաստատությունը:
Անձնակազմի շրջանում վիրավորներ չկան, հիվանդանոցի դիմաց գտնվող մարդկանց կյանքը փրկելու աշխատանքները շարունակվում են, հավելել է հիվանդանոցի տնօրենը։
