Լրագրող Շաքե Ավոյանն իր ֆեյսբուքյան էջում գրել է.
«Ինչ-որ "բարեգործներ" են հայտնվել, մի երկու քըռչ ու փալաս են տարել տնավեր մարդկանց, իրենց ակնկալած մեծարանքին չեն արժանացել ու հիմա լայվերով տարածում են դառը փորձը։ Թե բա "անշնորհակալ են, համբերության բաժակը լցվում ա մեր, տենց մի արեք"։ եվ սկսվել է մի "խրախճանք" մեկնաբանություններում, որը պատմելու բան չէ։ Եկեք, անհարգելիներ, ում համբերության բաժակը շատ փոքր է, հեռու մնացեք բարգործությունից , ձեր արածը չարագործություն է, ձեր սիրտն է փոքր` ուր մնաց համբերության բաժակը։ Այս ծանր պահին որևէ առանձին դեպքով` եղած, թե չեղած, այդ մարդկանց վարկաբեկողի նկատմամբ պետք է դրսևորվի ծայրահեղ անհանդուրժողականություն, սա ամոթ և խայտառակություն է, ընդամենը 4 օր է, ով եք դուք` ձեր պստիկ համբերության բաժակներով։
Բարեգործությունը ամեն մարդու խելքի բան չի, դա մշակույթ է և դաստիարակություն, որը դուք չունեք, նայեք` ինչպես են եվրոպացիները օգնում այլազգի ուկրաինացիներին, ֆրանսիացիները, լեհերը, գերմանացիները ամիսներով իրենց տանն են պահում պատերազմից փրկված մարդկանց։ Դուք նույնիսկ ինքնապաշտպանական բնազդ չունեք` ձեր նմանին առանց վայրահաչի օգնելու համար։ Ձեր քռչերը ձեզ պահեք, արցախահայերին կօգնեն մարդիկ, ովքեր շնորհակալություն չեն սպասում, մի բան էլ վերջում ներողություն են խնդրում...»
