Բաքվում հայտարարում են այսպես կոչված «Զանգեզո...

Ադրբեջանի վարչապետ Ալի Ասադովը հերթական սադրիչ հայտարարությունն է արել «Զանգեզուրի միջանցքի» վերաբերյալ։

Ինչպես տեղեկացրել է APA-ն, Ասադովը, խորհրդարանում ներկայացնելով 2022թ. կառավարության գործունեության մասին հաշվետվությունը, հայտարարել է «միջազգային եւ տարածաշրջանային տրանսպորտային-լոգիստիկ միջանցքների, մասնավորապես՝ «Զանգեզուրի միջանցքի» բացման մեծ նշանակության մասին»։

«Ադրբեջանը Զանգեզուրի միջանցքի շրջանակում շարունակում է իր տարածքում անհրաժեշտ ենթակառուցվածքի ստեղծման աշխատանքը։ Հորադիզ-Աղբենդ երկաթուղու շինարարության աշխատանքները կատարված են 38 տոկոսով, իսկ Հորադիզ-Ջաբրայիլ-Զանգիլան-Աղբենդ ավտոմայրուղունը՝ 74 տոկոսով։ Երկու ճանապարհների շինարարությունը կավարտվի 2024թ.»,- տեղեկացրել է Ասադովը։

Հիշեցնենք, որ «Զանգեզուրի միջանցք» ասելով նկատի են առնվում տարածքային նկրտումները Հայաստանի հանդեպ։