Թեև հաղորդակցությունների ապաշրջափակման հարցը հանվել է խաղաղության համաձայնագրի տեքստից, սակայն Ադրբեջանը կարող է օգտագործել այս թեման, որը նա դնում է որպես միջանցքային խնդիր, ապագայում ոչ միայն ճնշում գործադրելու Հայաստանի վրա, այլ նաև կարող է ներկայացնել որպես «լեգիտիմ» հիմք մեր երկրի դեմ ռազմական գործողություններ սանձազերծելու համար։ Այս մասին ապրիլի 3-ին լրագրողների հետ հանդիպման ժամանակ հայտարարեց ընդդիմադիր պատգամավոր, Հայաստանի Հանրապետական կուսակցության անդամ Տիգրան Աբրահամյանը՝ նկատելով, որ Բաքուն դա չի թաքցնում։
Պատգամավորը նշեց, որ միևնույն ժամանակ Ադրբեջանը խոսում է Հայաստանի ապառազմականացման և 300 հազար ադրբեջանցիների Հայաստան վերաբնակեցման մասին։
Աբրահամյանը հիշեցրեց, որ Բաքուն ձգտում է հասնել նրան, որ Երևանը փոխի Սահմանադրությունը, ինչին Հայաստանի իշխանությունները հայտնել են իրենց պատրաստակամությունը։
