Իրանը անպատիժ չի թողնի ԱՄՆ-ի հարձակումը, որի հետևանքով տուժել է հարսանեկան արարողությունը Իրանի Հորմոզգան նահանգում, հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի ղեկավար Էբրահիմ Ազիզին։
«Հարսանեկան հանդիսության վրա հարձակումը և խաղաղ բնակիչների սպանությունը Կուհեստակում անհերքելի վկայությունն է նրանց լիակատար հուսահատության, ովքեր միայն ձևացնում են, թե մարդու իրավունքների պաշտպան են. սա ավելի վաղ Մինաբում և Լամերդում նրանց գործած վայրագությունների կրկնությունն է։ Պատրանքներ մի՛ սնուցեք. այս հանցագործությունները անպատիժ չեն մնա։ Ոչինչ չի փրկի մեղավորներին Իրանի զինված ուժերի ջախջախիչ հզորությունից», - ասվում է Ազիզիի X սոցիալական ցանցի հաշվում հրապարակված հաղորդագրության մեջ։
Ավելի վաղ նահանգապետի տեղակալ Ահմադ Նաֆիսին հայտնել էր, որ ԱՄՆ-ի հարձակման հետևանքով տուժածների թիվը, որի տակ է ընկել Իրանի հարավային Հորմոզգան նահանգում անցկացվող հարսանեկան արարողությունը, աճել է մինչև 68։
Իրանի իշխանությունները նաև հայտնել էին չորս զոհի մասին, մի շարք ԶԼՄ-ներ, հղում անելով իրանական Կարմիր մահիկին, հաղորդել էին հինգ զոհի մասին։
