ՀՀ Ազգային ժողովն այսօր՝ նոյեմբերի 16-ին, շարունակում է իր հերթական քառօրյա նիստերը:
Հիշեցնենք, որ նոյեմբերի 14-ին խորհրդարանը քննարկեց օրակարգում գտնվող 13 հարցերից 12-ը, նաեւ հասցրեց քվեարկել եւ ընդունել դրանք:
Օրակարգում մնացել է միայն 2024 թվականի պետական բյուջեի մասին հարցը, որի քննարկումը սկսվեց երեկ, սակայն ընդհատվեց կառավարության հետ հարցուպատասխանով: Այսօր եւս ԱԺ-ում կլինեն Նիկոլ Փաշինյանն ու նախարարները:
Հենց բյուջեի քննարկումն է պատճառը, որ այսօրվա կառավարության նիստը հետաձգվել է. սովորաբար կառավարության նիստերը տեղի են ունենում ամեն հինգշաբթի, սակայն այս անգամ այն տեղափոխվել է ուրբաթ:
Նախատեսվում է, որ արդեն այսօր բյուջեի քննարկումը կընդհատվի մինչեւ դեկտեմբեր՝ ԱԺ հաջորդ նստաշրջան: Այս ընթացքում պատգամավորներն իրենց գրավոր առաջարկները կներկայացնեն պետբյուջեի մասով, իսկ արդեն դեկտեմբերին բյուջեի նախագիծը կդրվի վերջնական քվեարկությանը»:
