Միջազգային քրեական դատարանը (ՄՔԴ) հրաժարվել է մեկնաբանել ԱՄՆ վարչակազմի՝ դրա դեմ լայնածավալ պատժամիջոցներ սահմանելու պլանների մասին հաղորդագրությունները, հայտնում է ՏԱՍՍ-ը:
«Այս փուլում մենք չենք մեկնաբանի ԱՄՆ-ի հնարավոր որոշումների մասին ենթադրությունները»,- ՄՔԴ-ին հավատարմագրված լրագրողներին հայտնել է մամուլի ծառայության ներկայացուցիչը։ Նա հավելել է, որ ատյանի պաշտոնական հայտարարության առկայության դեպքում մամուլի ծառայությունը պատշաճ կերպով կփոխգործակցի ԶԼՄ-ների հետ։
Հիշեցնենք, որ ավելի վաղ The Wall Street Journal թերթը՝ հղում անելով ամերիկյան պաշտոնյաներին և փաստաթղթերին, հայտնել էր ՄՔԴ-ի դեմ ԱՄՆ վարչակազմի կողմից ընդարձակ պատժամիջոցների նախապատրաստման մասին։
Նշվում էր, որ սահմանափակումները մասնավորապես վերաբերելու են դատարանի հետ ֆինանսական գործարքների մեծ մասին, ինչը ներուժով կարող է կաթվածահար անել դատարանի աշխատանքը՝ արգելելով դոլարով գործարքները և այն կտրելով ֆինանսական համակարգի մեծ մասից։
ԱՄՆ-ի գործող վարչակազմն արդեն մի քանի անգամ պատժամիջոցներ է սահմանել ՄՔԴ-ի նկատմամբ։ Դատարանի պաշտոնյաների դեմ սահմանափակումների սահմանումը նախատեսող հրամանագիրը Թրամփը ստորագրել էր 2025 թվականի փետրվարի 6-ին։ Ամերիկյան կառավարությունը ՄՔԴ-ին մեղադրել էր Վաշինգտոնի և նրա դաշնակիցների, ինչպիսին Իսրայելն է, նկատմամբ ոչ իրավաչափ գործողությունների մեջ։
