Այսօր մենք հիշում ենք Մեծ եղեռնը և հարգում այն մարդկանց հիշատակը, ովքեր տուժել են 20-րդ դարի ամենասարսափելի աղետներից մեկում, ասված է ԱՄՆ նախագահ Դոնալդ Թրամփի ուղերձում՝
«1915թ. սկսած մեկուկես միլիոն հայեր արտաքսվեցին և մահվան դատապարտվեցին Օսմանյան կայսրության վերջին տարիներին: Այս հիշատակի օրը մենք ևս մեկ անգամ միանում ենք Ամերիկայի և ամբողջ աշխարհի հայ մեծ համայնքին՝ սգալով բազմաթիվ կորսված կյանքերի համար:
Ամեն տարի ապրիլի 24-ին մենք հիշում ենք ամերիկացի և հայ ժողովուրդների ամուր և անխզելի կապերը։ Մենք հպարտ ենք Հայկական և սիրիական օգնության ամերիկյան կոմիտեով, որը հիմնադրվել է 1915 թվականին, որը կենսականորեն մարդասիրական օգնություն է տրամադրել հայ փախստականներին, և երախտապարտ ենք հազարավոր ամերիկացիներին, ովքեր օգնել են իրենց տներից արտաքսված հայերին:
Այս օրը վկայում է հայ ժողովրդի ուժի ու տոկունության մասին՝ ողբերգության դեմ։ Մենք բախտավոր ենք, որ այդքան շատ հայեր բերել են իրենց հարուստ մշակույթը մեր ափեր և այդքան ներդրում են ունեցել մեր երկրում, այդ թվում՝ անվանի զինվորներ, հայտնի արվեստագետներ, նշանավոր ճարտարապետներ և հաջողակ ձեռներեցներ:
Զոհվածներին հիշելիս՝ իմ վարչակազմը հավատարիմ է մնում կրոնական ազատության և խոցելի փոքրամասնությունների պաշտպանությանը: Մենք ակնկալում ենք շարունակել մեր ռազմավարական գործընկերությունը Հայաստանի հետ և աջակցել տարածաշրջանային կայունությանը՝ ձգտելով հասնել կայուն բարգավաճման և անվտանգության»,- ասված է Թրամփի
