Ավստրիան փակել է իր օդային տարածքը ամերիկյան ռազմական ինքնաթիռների համար։ Վիեննայի պաշտոնյաները այս քայլը բացատրում են որպես սահմանադրական խախտում Իրանում պատերազմի սրման ֆոնին, հաղորդում է ավստրիական Heute պարբերականը։
Ավստրիայի պաշտպանության նախարարության խոսնակ Միխայել Բաուերի խոսքով՝ երկիրը որևէ բացառություն չի անելու Պենտագոնի համար, և ԱՄՆ ռազմական ինքնաթիռներին Ավստրիայի վրայով թռիչքներ արգելելու որոշումը վերջնական է։ Պաշտոնյան նշել է, որ ռազմական գործողությունների սկսվելուց ի վեր Պաշտպանության նախարարությունը մերժել է ԱՄՆ-ի բոլոր թռիչքների հարցումները։
Պաշտպանության նախարարությունը չի բացահայտում արգելափակված թռիչքների ճշգրիտ թիվը։ Այնուամենայնիվ, յուրաքանչյուր հարցում մանրամասնորեն ուսումնասիրվում է։ Բաուերը ընդգծել է, որ երկրի դիրքորոշումը մնում է սկզբունքային։
