ԱՄՆ նոր մաքսատուրքերը, որոնք ազդել են նաեւ Ավստրալիայի վրա, հակասում են երկու երկրների բարեկամական հարաբերություններին։ Այս մասին հայտարարել է Ավստրալիայի վարչապետ Էնթոնի Ալբանեզը։
«ԱՄՆ նախագահ Դոնալդ Թրամփի վարչակազմի մաքսատուրքերը չունեն տրամաբանական հիմք, դրանք հակասում են մեր երկու երկրների գործընկերության հիմքերին։ Սա ոչ բարեկամական արարք է։
Այսօրվա որոշումը միայն կավելացնի անորոշությունը գլոբալ տնտեսությունում և կավելացնի ծախսերը Ամերիկայի քաղաքացիների համար»,- ասել է կառավարության ղեկավարը՝ լրագրողների հետ զրույցում։
Նա ասել է, որ Կանբերան չի թուլացնի իր առևտրային կանոնները «ԱՄՆ-ին հաճոյանալու համար»:
Ապրիլի 2-ին Թրամփը հայտարարեց, որ իր երկիրը ներմուծվող ապրանքների համար նվազագույն մաքսատուրք կսահմանի՝ 10%: Առանձին պետությունների համար նա սահմանել է անհատական սակագներ։ Ավստրալիան ներառվել է այն երկրների խմբում, որոնց վրա կիրառվել է 10% մաքսատուրք։
