Կառավարությունն իր այսօրվա՝ ապրիլի 3-ի նիստում հավանություն տվեց Հայաստանի և Ասիական զարգացման բանկի միջև «Առողջապահության որակի բարելավման ծրագիր» վարկային համաձայնագրի վավերացմանը:
Հիմնավորման մեջ նշվում է, որ Ասիական զարգացման բանկի (ԱԶԲ) կողմից առաջարկվող արդյունքահեն վարկավորման (RBL) ծրագրով նախատեսվում է ներգրավել 45.3 մլն եվրո արժողությամբ վարկ:
Վարկային ծրագրի նպատակն է խթանել բարեփոխումները հետևյալ ուղղություններով`
Առողջապահական հաստատությունների կառուցում ու բարելավում,
Առողջապահական ծառայությունների որակի գնահատում և հաշվետվողականության թվայնացում և ինստիտուցիոնալացում,
Բժշկական հաստատությունների լիցենզավորում,
Առողջապահության ոլորտի մարդկային կապիտալի զարգացում,
Հեռաբժշկության պիլոտային ծրագրի իրականացում,
Էլեկտրոնային առողջապահության գործքիների կիրառության բարելավում:
Հայաստանի Հանրապետության և Ասիական Զարգացման Բանկի միջև ստորագրված «Առողջապահության որակի բարելավման ծրագիր» վարկային համաձայնագրի վարկավորման պայմանները հետևյալն են՝
Վարկի գումար` 45.310 մլն եվրո,
Վարկի արժույթ՝ եվրո,
Վարկի տոկոսադրույքի տեսակ՝ լողացող,
Վարկի տարեկան տոկոսադրույք՝ 6-ամսյա Euribor+0.5% մարժա + 0.1% (ժամկետի հավելավճար) + 0.12% (արժույթի հավելավճար), 10.03.2025թ. դրությամբ տոկոսադրույքը կկազմի 3.11%,
Վարկի սպասարկման ամսաթվեր՝ յուրաքանչյուր տարվա հունիսի 15-ը և դեկտեմբերի 15-ը,
Վարկի ժամկետ` 18 տարի,
Վարկի արտոնյալ ժամկետ՝ 7 տարի,
Վարկի մարման ժամկետ՝ 11 տարի:
