Եվրասիական տարածքում ազգային ուղղվածություն ունեցող ոչ առեւտրային կազմակերպությունների զարգացման անհրաժեշտությունը կապված է մշակութային ինքնության եւ ինքնիշխանության պաշտպանության հետ: Այս մասին հայտնել է Պետդումայի պատգամավոր, Անկախ Պետությունների Համագործակցության, եվրասիական ինտեգրման եւ հայրենակիցների հետ հարաբերությունների հանձնաժողովի փոխնախագահ Արտյոմ Տուրովը՝ ելույթ ունենալով «Եվրասիա. ավանդական արժեքների տարածք» միջազգային հասարակական եւ բիզնես ֆորումի «Ոչ առեւտրային հատվածի դերը միջազգային փոխգործակցության մեջ. փորձ, խնդիրներ, հեռանկարներ» նիստում։
«Հետխորհրդային տարածքում արեւմտյան հասարակական կազմակերպությունները հաճախ ծառայում էին որպես արտաքին միջամտության գործիքներ, ոչնչացնում էին ավանդական արժեքները, փոխում էին մշակույթը եւ ձեւավորում էին օրակարգ, որը ձեռնտու էր Արեւմուտքին»,- ընդգծել է Տուրովը։
Նրա խոսքով՝ ի տարբերություն արեւմտյան մոդելի, Եվրասիայի երկրները պատմականորեն զարգացել են փոխադարձ հարգանքի եւ մշակութային բազմազանության ոգով։ «Մենք չենք ոչնչացրել մեր հարեւանների մշակույթը, մենք պահպանել ենք այն: Սա է մեր ուժը: Դրա համար շատ կարեւոր է ստեղծել մեր սեփական հասարակական կազմակերպությունները՝ մեր շահերով»,- ավելացրել է նա:
Տուրովն առանձին նշել է ռուսերենի դերը որպես միավորիչ գործոնի եւ կոչ է արել աջակցել դրա զարգացմանը հումանիտար եւ ոչ առեւտրային ոլորտներում։
