Թուրքիայում արտահերթ նախագահական ընտրություններ անցկացնելու և Ստամբուլի քաղաքապետ Էքրեմ Իմամօղլուի ազատ արձակման պահանջով խնդրագիրը հավաքել է ավելի քան 10 միլիոն ստորագրություն, ըստ Al Monitor-ի՝ հայտարարել է ընդդիմադիր Ժողովրդահանրապետական կուսակցության առաջնորդ Օզգուր Օզելը։
«Նրանք, ովքեր իշխանության են եկել ընտրությունների միջոցով, չեն ցանկանում հեռանալ իշխանությունից ընտրությունների միջոցով. դա կոչվում է պետական հեղաշրջում», - կիրակի դիմելով Սամսուն նահանգում հավաքված տասնյակ հազարավոր մարդկանց հայտարարել է Օզելը:
Իմամօղլուի ձերբակալությունը ամրապնդել է ընդդիմության շարքերը և համախմբել ընտրողներին ամբողջ քաղաքական սպեկտրում:
Ապրիլի 6-ին Ժողովրդահանրապետական կուսակցությունն արտահերթ համագումար է անցկացրել, որտեղ գործող առաջնորդ և միակ թեկնածու Օզելը 1276 ձայնից ստացել է ահռելի 1170 ձայն՝ պահպանելով կուսակցության ղեկավարի պաշտոնը։
