Սեպտեմբերի 9-ին Ավստրիայի Հանրապետություն կատարած աշխատանքային այցի շրջանակներում ՀՀ ԱԽ քարտուղար Արմեն Գրիգորյանը հանդիպել է Ավստրիայի Ազգային խորհրդի Արտաքին հարցերով հանձնաժողովի նախագահ Պետրա Բայրի և պատգամավոր Վայթ Դենգլեր հետ: Այս մասին հայտնում են ՀՀ ԱԽ գրասենյակից:
Հանդիպմանն ավստրիական կողմի խնդրանքով անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացի շրջանակներում Վաշինգտոնում ստորագրված համաձայնագրերին:
Կողմերն անդրադարձել են նաև Հայաստան-Ավստրիա երկկողմ հարաբերություններին, քննարկել համագործակցության հնարավոր ուղիները՝ առանձնակի շեշտելով տնտեսական համագործակցության ու ներդրումների կարևորությունը:
