Արգենտինայի նախկին նախագահ Քրիստինա Ֆերնանդես դե Կիրշները պետության ներկայիս ղեկավար Խավիեր Մայլիին անվանել է փոքրիկ բռնապետ՝ ի պատասխան նրա վարչակազմի՝ իրեն նախագահական թոշակից զրկելու որոշման։
«Հիմա պարզվում է, որ բացի գործադիր իշխանությունից, դուք ցանկանում եք ղեկավարել նաև պատվո դատարանը, որպեսզի որոշում կայացվի երկրի նախկին նախագահների կողմից իրենց պարտականությունների պատվի, արժանիքների և արժանապատիվ կատարման վերաբերյալ։ Եվ ամեն ինչին լրացնելու համար՝ լինել դատարան, որը բացի դատական համակարգից պատիժներ է սահմանում։ Դուք այնքան եք անցել սահմանը, որ փոքրիկ բռնապետը, որը միշտ եղել է ձեր ներսում, սկսել է ի հայտ գալ»,- գրել է նա X-ում (նախկինում՝ Twitter):
Ֆերնանդես դե Կիրշները նաև անօրինական է անվանել իրեն նախագահական թոշակից զրկելու կառավարության հրամանը, քանի որ, նրա կարծիքով, միայն Կոնգրեսը կարող է իմփիչմենթի միջոցով որոշում կայացնել պետության ղեկավարի պարտականությունների անազնիվ կատարման մասին։ «Մի պարզ պատճառով, Մայլի, միայն ժողովուրդն իր ներկայացուցիչների միջոցով կարող է զրկել նախագահ ընտրվելու պատվից»,- հավելել է նախկին նախագահը։
Հինգշաբթի օրը Մայլիի վարչակազմի խոսնակ Մանուել Ադորնին ասաց, որ կառավարությունը որոշել է Ֆերնանդես դե Կիրշներին զրկել նախագահական թոշակից՝ կոռուպցիոն դատապարտման պատճառով։ Որպես պետության նախկին ղեկավար, ինչպես նաև որպես նախկին նախագահ Նեստոր Քիրշների այրի, նրա ստացած նպաստը կազմում է ամսական 21,8 միլիոն պեսո (21,165 դոլար):
