Վենեսուելայում ձերբակալված արգենտինացի ժանդարմ Նաուել Ագուստին Գալյոն մահափորձ էր կազմակերպում Բոլիվարի Հանրապետության փոխնախագահ Դելսի Ռոդրիգեսի դեմ։ Այս մասին հայտնել է Վնեսուելայի նախագահ Նիկոլաս Մադուրոն Venezolana de Televisión հեռուստաալիքի եթերում։
«[Գալյոյի] պնդումը, որ նա եկել է [Վենեսուելա] իր սիրեցյալին հանդիպելու համար, սուտ է»,- ասել է Մադուրոն՝ նշելով, որ «այս պարոնը կին եւ ընտանիք ունի Արգենտինայում»: Նախագահն ասել է, որ Ռոդրիգեսի դեմ «մահափորձ է եղել»: «Ես դատապարտում եմ Արգենտինայի կառավարության մասնակցությունը Վենեսուելայում խաղաղության վրա հարձակվելու բռնի ծրագրերին»,- ընդգծել է Մադուրոն:
Արգենտինացի ժանդարմը ձերբակալվել է 2024թ. դեկտեմբերի 8-ին՝ Կոլումբիայից ապօրինի կերպով Վենեսուելա մտնելու փորձի ժամանակ։ Դեկտեմբերի 27-ին Վենեսուելայի գլխավոր դատախազությունը Գալյոյին մեղադրել է մի խումբ անձանց հետ կապեր ունենալու մեջ, որոնք փորձել են ապակայունացնող եւ ահաբեկչական մի շարք գործողություններ իրականացնել։
