Երեկ, անդրադառնալով Աննա Հակոբյանի «Սիթի օֆ Սմայլ» բարեգործական հիմնադրամի գործունեությանը, ծխախոտի ինդուստրիայից բարեգործությանը ուղղված քաղցկեղով հիվանդ երեխաների աջակցության ծրագրին, Առողջապահության նախարար Արսեն Թորոսյանն այդ նախաձեռնությունը համարել է անթույլատրելի.«Առողջապահության համաշխարհային կազմակերպությունը հատուկ հայտարարություն է ուղարկել երկրի ղեկավարներին, այդ թվում՝ նաև մեր երկրի, որով կոչ է արել չհամագործակցել որևէ ծխախոտային ինդուստրիայի ֆինանսական ծրագրերին»:
Սա բավական հանդուգն քայլ է նախարար Արսեն Թորոսյանի կողմից։ Ըստ էության, նա մեղադրում է վարչապետի տիկին Աննա Հակոբյանին անթույլատրելի գործունեությամբ զբաղվելու՝ ծխախոտ արտադրող ընկերությունների համար դրական իմիջ ապահովելու մեջ։
Նախարարի այս հայտարարությունը կարող է թանկ նստել իր վրա, եթե իհարկե Աննա Հակոբյանը ներողամտորեն չմոտենա եղածին։ Առաջիկայում, ըստ ամենայնի, պարզ կլինի՝ Աննա Հակոբյանը ներե՞լ է Արսեն Թորոսյանին, թե՞ ոչ։
