ԱՄՆ-ի վարչակազմը պահանջում է, որ ՆԱՏՕ-ի բոլոր դաշնակիցները կատարեն իրենց պարտավորությունները՝ մինչև հունիսին կայանալիք դաշինքի հաջորդ գագաթնաժողովը ռազմական ծախսերը հասցնել ՀՆԱ-ի 2%-ի։
Նա նշել է, որ այդ հարցը քննարկել է ՆԱՏՕ-ի գլխավոր քարտուղար Մարկ Ռյուտեի հետ։ «Փաստն այն է, որ մենք պատրաստվում ենք այս տարվա հունիսին ունենալ ՆԱՏՕ-ի գագաթնաժողով, որտեղ ՆԱՏՕ-ի մեր դաշնակիցների մեկ երրորդը դեռ չի կատարել [ազգային ՀՆԱ-ի] [ռազմական ծախսերի] նվազագույն 2% պարտավորությունը, որը նրանք ստանձնել էին 10 տարի առաջ, բառացիորեն 10 տարի առաջ», - ասել է նա:
«Բայց մենք դեռ շարունակում ենք [լսել]. «Դե, ինչ-որ ուրիշ մեկը պետք է վճարի: Մենք այլ ներքին առաջնահերթություններ ունենք»: Դա անընդունելի է: Նախագահ Թրամփը դա հստակ ասել է», - հավելել է Վալցը:
«Նվազագույնը պետք է կատարվի: Այս տարվա հունիսին ՆԱՏՕ-ի գագաթնաժողովում մենք պետք է 100 տոկոսով կատարենք այն, իսկ հետո եկեք քննարկենք այն գերազանցելու հնարավորությունը, ինչի մասին խոսում էր նախագահ Թրամփը, երբ խոսում էր ՀՆԱ-ի 5%-ի մասին:
