ԱՄՆ Ջորջիա եւ Կենտուկի նահանգներում հորդառատ անձրեւների հետեւանքով առնվազն ինը մարդ է մահացել։ Այս մասին հայտնում է CNN հեռուստաընկերությունը։
Կենտուկիում փոթորկի հետևանքով ութ մարդ է զոհվել, իսկ Ջորջիայում՝ մեկը։ Վերջին 24 ժամվա ընթացքում շտապ օգնության ծառայություններին հաջողվել է փրկել ավելի քան 1000 մարդու։
Կենտուկիի նահանգապետ Էնդի Բեշիրը տեղատարափ անձրևներն անվանել է «ամենադժվար եղանակային իրադարձություններից մեկը», որը նահանգում տեսել է վերջին տասնամյակում:
Կենտուկիի մի քանի վայրերում ջրի մակարդակը հասել է ռեկորդային մակարդակի, և տեղական իշխանությունները ստիպված են եղել փակել ճանապարհները ավելի քան 300 վայրերում: PowerOutage մոնիտորինգի ռեսուրսի տվյալներով՝ նահանգում գրեթե 30 հազար սպառող մնում է առանց էլեկտրականության։
