ԱՄՆ-ն ակնկալում է, որ ամերիկացի առաջնորդ Դոնալդ Թրամփը շատ շուտով կհանդիպի Ռուսաստանի նախագահ Վլադիմիր Պուտինի և Վլադիմիր Զելենսկու հետ։ Այս մասին Fox News-ի եթերում հայտարարել է Սպիտակ տան մամուլի քարտուղար Քերոլայն Լևիտը։
«Մենք ակնկալում ենք, որ այդ հանդիպումները կկայանան շատ շուտով, հատկապես նախագահ Զելենսկու հետ»,- ասել է նա։
Սպիտակ տան մամուլի քարտուղարը նշել է, որ Թրամփը ցանկանում է, որ ստորագրվի Կիևի և Վաշինգտոնի միջև հազվագյուտ մետաղների մասին պայմանագիրը։ «Նա ակնկալում է, որ նախագահ Զելենսկին կստորագրի այս գործարքը։ Դա ճիշտ կլինի՝ հաշվի առնելով, թե ինչ են արել ամերիկացի հարկատուները Ուկրաինայի համար։ Եթե չլինեին ամերիկացիները, Ուկրաինան որպես երկիր այլևս չէր լինի, և նախագահ Թրամփը դա հասկանում է»,- հավելել է Լևիթը։
