ԱՄՆ-ն ու Իրանը իրանական միջուկային ծրագրի շուրջ ստեղծված իրավիճակը կարգավորելու համար բանակցությունների հաջորդ փուլը կանցկացնեն Հռոմում։ Այս մասին հայտարարել է Նիդերլանդների արտաքին գործերի նախարարության ղեկավար Կասպար Վելդկամպը՝ Լյուքսեմբուրգում ԵՄ ԱԳ նախարարների ծրագրված հանդիպմանը ժամանելուն պես։
Նրա խոսքով՝ Նիդերլանդները կարծում է, որ Իրանը չպետք է դառնա միջուկային զենք ունեցող պետություն։
«Լավագույնը կլիներ, եթե մենք դրան հասնեինք բանակցությունների միջոցով։ Այդ բանակցությունները ներկայումս ընթանում են, և դրանք կշարունակվեն շաբաթ օրը»,- լրագրողներին ասել է Վելդկամպը։
Նախարարը հավելել է, որ լուրերը, թե բանակցությունները տեղի են ունենալու Նիդերլանդներում, չեն համապատասխանում իրականությանը։
«Դա կլինի Հռոմում», – ասել է նա:
