ԱՄՆ ֆինանսների նախարար Սքոթ Բեսենտը զգուշացրել է այն երկրներին, որոնց դեմ Միացյալ Նահանգները ապրիլի 2-ին առևտրային պատերազմ է սկսել, որ Վաշինգտոնին ի պատասխան արագ քայլեր չձեռնարկեն։ Այս մասին Բեսենթն ասել է Fox News-ին։
Ֆինանսների նախարարության ղեկավարն ասել է, որ խորհուրդ է տալիս երկրներից յուրաքանչյուրին «չարձագանքել ի պատասխան»։
«Հանգիստ նստեք, ընդունեք այն և տեսեք, թե դրանից ինչ կստացվի: Որովհետև եթե պատասխանեք, կլինի սրացում», - ասել է Բեսենտը չորեքշաբթի՝ Դոնալդ Թրամփի մաքսատուրքերի պատերազմ հայտարարելուց անմիջապես հետո:
«Եթե դուք չպատասխանեք, սա (ներկայիս դրույքաչափերը) կլինի ամենաբարձր կետը», - ավելացրել է նա:
Սպիտակ տունը հայտարարել է, որ մաքսատուրքերը կպահպանվեն, քանի դեռ նախագահ Թրամփը չի որոշել, որ առևտրի դեֆիցիտի և դրա հիմքում ընկած ոչ փոխադարձության սպառնալիքը բավարարված է, լուծված կամ մեղմացված:
Բեսենտը նշել է, որ սակագների նպատակը երկարաժամկետ տնտեսական աճի համար հիմք ստեղծելն է։ «Մենք վերադառնում ենք ճիշտ ուղի»:
Ֆինանսների նախարարը հավելել է, որ ԱՄՆ Կոնգրեսն աշխատում է հարկային օրինագիծ ընդունելու ուղղությամբ, քանի որ վարչակազմը ձգտում է Թրամփի կողմից 2017 թվականի հարկերի կրճատումը մշտական դարձնել:
«Որքան շուտ մենք վստահություն ստանանք հարկերի վերաբերյալ, այնքան շուտ կարող ենք պայմաններ ստեղծել աճի վերսկսման համար», - հայտարարել է Բեսենտը:
