Ադրբեջանը բողոքի նոտա է հղել Ռուսաստանի Դաշնությանը՝ Պետդումայի պատգամավոր Կոնստանտին Զատուլինի՝ Լեռնային Ղարաբաղ կատարած այցի պատճառով:
РИА Новости-ի փոխանցմամբ՝ այս մասին հայտնել են ՌԴ-ում Ադրբեջանի դեսպանությունից։ Փաստաթղթում Լեռնային Ղարաբաղը հիշատակված է որպես «Ադրբեջանի օկուպացված տարածք»:
Զատուլինը գործակալությանը մեկնաբանել է, որ Արցախ է այցելել «Արցախի ընկերների ֆորում»-ին մասնակցելու նպատակով։ Նա հանդես է եկել տարածաշրջանային խնդրի խաղաղ կարգավորման օգտին։
Զատուլինի խոսքերով՝ ֆորումին մասնակցել են 150 հյուրեր աշխարհի 30 երկրներից։
