Ադրբեջանական լրատվամիջոցները լուրեր են շրջանառել ԼՂ նախկին նախագահներ Բակո Սահակյանի, Արկադի Ղուկասյանի, ինչպես նաև Ազգային ժողովի նախագահ Դավիթ Իշխանյանի «ձերբակալման» մասին։ Հավանաբար, խոսքը ԼՂ պաշտոնատար անձի հերթական ապօրինի առևանգման մասին է:
«Արմենպրես»-ի թղթակցի հետ զրույցում ԼՂ ԱԺ պատգամավոր Մետաքսե Հակոբյանը հայտնել է, որ առայժմ որևէ տեղեկություն չունի նրանց վերաբերյալ, քանի որ արդեն մի քանի օր է հնարավոր չի եղել կապ հաստատել։
