2 օր առաջ այս ամբիոնից հնչեց Նիկոլ Փաշինյանի հերթական կեղծիքն ու սուտը։ Այս ամբիոնը գուցե դիմանում է այդ ստերին, բայց այս երկիրը այդ կեղծիքներին և դավաճանություններին երկար դիմանալ չի կարող: Այս մասին այսօր ԱԺ-ում ասել է «Հայաստան» խմբակցության պատգամավոր Լևոն Քոչարյանը:
Քոչարյանը անդրադարձել է Փաշինյանի՝ ազգ-նահատակի վերաբերյալ ելույթին, նշելով, որ 26 տարի շարունակ աշխարհը հայերին ընկալում էր որպես հաղթանակած ազգ, մյուս կողմից Ադրբեջանն ուներ այդ ազգ-նահատակի ընկալումը։
«Սա նաև մեր ինքնագիտակցումն էր, և սրա հետ կհամաձայնվեն մեր հայրենակիցները, որ ապրում են թե Հայաստանում, թե արտերկրում։ Եվ մյուս կողմից Ադրբեջանն ուներ ազգ-նահատակի ընկալումը, որովհետև անընդհատ խոսում էր իր կորցրած 20 տոկոս տարածքի և հարյուր-հազարավոր փախստականների մասին»,- ասել է նա:
