Գեղարքունիքի մարզում 2024 թվականի ընթացքում գրանցվել է 871 արտակարգ դեպք՝ 2023 թվականի 668 արտակարգ դեպքերի դիմաց, որոնց հետևանքով զոհվել է 22 մարդ ՝ 2023 թվականին գրանցված 49 մահերի դիմաց , մարմնական վնասվածքներ է ստացել 94 մարդ՝ 2023 թվականին գրանցված 91 դեպքի դիմաց:
Ինչպես ներկայացրեց ՀՀ ՆԳ նախարարության փրկարար ծառայության Գեղարքունիքի մարզային վարչության պետ Գևորգ Գալստյանը, 2024 թվականին գրանցված արտակարգ դեպքերից 836-ը տեխնածին են, որոնցից 184-ը՝ հրդեհի, 75-ը՝ ճանապարհատրանսպորտային, 389-ը՝ ավտոմեքենաների արգելափակման, 12-ը՝ որոնողական աշխատանքների, 92-ը՝ փակ դռների, 47-ը՝ քաղաքացիներին ցուցաբերած օգնության, 8-ը՝ ապամոնտաժման, 5-ը՝ կենդանիերին օգնություն ցուցաբերելու, 4-ը՝ պայթյունի, 8-ը՝ օձերի վնասազերծման, 4-ը՝ փլուզման, 2-ը՝ ջրահեղձման, 4-ը՝ զենք-զինամթերքի հայտնաբերման, 1-ը՝ հոսանքահարման, 1-ը՝ ջրալցման դեպքեր։ 15 մարդ զոհվել է ճանապարհատրանսպորտային պատահարների, 2 մարդ՝ որոնողական, 2 մարդ՝ ջրահեղձման, 1 մարդ՝ պայթյունի, 1 մարդ՝ էլեկտրահարման, 1-ը՝ կայծակնահարության դեպքի հետևանքով։
Գրանցված տեխնածի աղետներից 35-ը տարերային են, որոնց հետևանքով զոհվել է 1 և վիրավորվել 2 մարդ: 2023 թվականի համեմատությամբ 2024 թվականին տարերային բնույթի դեպքերը նվազել են 2-ով:
