Ռուսական կողմը պատրաստ է շարունակել Ուկրաինայի հետ հակամարտության կարգավորման շուրջ երկխոսությունը Ստամբուլում, ինչպես նաև բաց է պատվիրակությունների մակարդակի բարձրացման հարցի քննարկման համար: Այդ մասին հայտարարել է Ռուսաստանի փոխարտգործնախարար Միխայիլ Գալուզինը։
Նրա խոսքով՝ ուկրաինական կողմը պատրաստ չէ հակամարտության կարգավորման խաղաղ ուղիներ փնտրել։
Գալուզինը պարզաբանել է, որ Կիևը փորձում է չեզոքացնել Ալյասկայում կայացած գագաթնաժողովի ընթացքում ՌԴ և ԱՄՆ նախագահներ Վլադիմիր Պուտինի և Դոնալդ Թրամփի միջև ձեռք բերված պայմանավորվածությունները: Նրա խոսքով՝ Ուկրաինան մերժում է ճգնաժամի արմատական պատճառները լուծելու անհրաժեշտությունը։
«Առանց այդ հիմքի հնարավոր չէ իրականացնել մնացած բոլոր պայմանավորվածությունները»,- նշել է Գալուզինը:
