Թուրքիայի նախագահ Ռեջեփ Թայիփ Էրդողանը և Արաբական Միացյալ Էմիրությունների (ԱՄԷ) նախագահ Մոհամմեդ բին Զայեդ Ալ Նահյանը հոկտեմբերի 12-ին հեռախոսազրույց են անցկացրել:
Հայտնում է թուրքական «Անադոլու» լրատվական գործակալությունը:
Ղեկավարները քննարկել են իսրայելա-պաղեստինյան հակամարտության շուրջ վերջին զարգացումները։
Զրույցի ընթացքում Էրդողանը նշել է, որ Իսրայելի և Պաղեստինի միջև հարաբերությունների դեէսկալացիային կարելի է հասնել միջազգային հանրության, առաջին հերթին, տարածաշրջանի երկրների դրական քայլերի շնորհիվ։
Հոկտեմբերի 7-ին ՀԱՄԱՍ-ի ավելի քան 1500 զինյալներ ճեղքել էին անվտանգության պատնեշը և Գազայի հատվածից ներխուժել Իսրայել։ Իսրայելում զոհերի թիվը հասել է 1300-ի։ 150 մարդ պատանդ է վերցվել։ Իսրայելը պատերազմ է հայտարարել ՀԱՄԱՍ-ին և հարվածներ է հասցնում հարյուրավոր թիրախների։ Գազայի հատվածում զոհերի թիվը հասել է 1200-ի։ Իսրայելը նաև հայտարարել է Գազայի լիակատար պաշարման մասին՝ դադարեցնելով ջրի, էլեկտրաէներգիայի, վառելիքի, սննդի և այլ ապրանքների մուտքը։
