Փետրվար ամսին Գլխավոր Շտաբը հանդես էր եկել հայտարարությամբ, պահանջելով վարչապետ Փաշինյանի եւ նրա կառավարության հրաժարականը։ Դրանից հետո Փաշինյանը հայտարարեց, որ ԳՇ պետ Օնիկ Գասպարյանին աշխատանքից ազատելու որոշում է կայացրել, որն ուղարկել է նախագահ Արմեն Սարգսյանին։ Սահմանված ժամկետում Արմեն Սարգսյանն այն չստորագրեց։ Նիկոլ Փաշինյանը երկրորդ անգամ այն ուղարկեց։ Եռօրյա ժամկետում նախագահը Արմեն Սարգսյանը կրկին չստորագրեց, բայց նաև որոշումը չուղարկեց ՍԴ-ը, ինչը հնարավորություն տվեց իրավունքի ուժող ազատել Օնիկ Գասպարյանին զբաղեցրած պաշտոնից։Այդ ընթացքում լրատվամիջոցները փորձում էին պարզել, թե ԳՇ հայտարարության մասին ինչպիսի կարծիք ունի Արցախի ՊԲ նախկին հրամանատար Ջալալ Հարությունյանը, ով փետրվարի 4-ին նշանակվել էր Հայաստանի պաշտպանության նախարարության ռազմական վերահսկողական ծառայության պետ:
ԳՇ հայտարարությունից հետո Ջալալ Հարությունյանը «Իրականում․ամ» կայքին ասել էր, որ բանակի կողքին է․«Վիրահատության նախապատրաստական փուլում եմ, ներողություն եմ խնդրում»,- ասաց Հարությունյանը։ Լրատվամիջոցի խնդրանքով Ջալալ Հարությունյանը կարճ մեկնաբանելով ԳՇ հայտարարությունն ասաց. «Ես ի ծնե բանակային մարդ եմ, բանակի կողքին եւ միշտ այդպես է լինելու։ Այս փուլում չեմ տրվելու որեւէ սադրանքի։ Մանրամասն կխոսեմ վիրահատությունից հետո»։
Ջալալ Հարությունյանի այս հայտարարությունից անցել է արդեն 6.5 ամիս։ Վստահաբար այս ամսիների ընթացքում գեներալի վիրահատությունը ավարտված կլինի, բայց նա այդպես էլ դիրքորոշում չհայտնեց։ Ավելին Հարությունյանը լավ հարմարվել է Նիկոլ Փաշինյանի կառավարությանը։
