Ես «Իզմիրլյան» ԲԿ-ի տնօրենը չեմ հանդիսանում իմ կամքով. ես եմ անձնապես խնդրել մեր հիմնադրին, որ ինձ ժամանակավորապես ազատեն այդ պաշտոնից, որպեսզի դա շահարկման առարկա չլինի, որ լինելով տնօրեն ես կարող եմ ազդեցություն ունենալ եւ այլն: Այս մասին, այսօր՝ հուլիսի 21-ին, «Վարդաշեն» ՔԿՀ-ից դուրս գալուց հետո լրագրողների հետ զրույցում նշեց «Հայաստան» դաշինքի անդամ, բժիշկ Արմեն Չարչյանը:
«Այսօր իմ առաջ երկու հնարավորություն կա՝ վերադառնալո «Իզմիրլյան» ԲԿ տնօրինությանը, երկրորդ՝ ընդունել ԱԺ պատգամավորի մանդատը «Հայաստան» դաշինքի կողմից եւ իմ գործունեությունը շարունակել ԱԺ-ում»,-ասաց նա:
