Հայաստանում արտադրված «Սպուտնիկ Լայթ» պատվաստանյութը ՀՀ քաղաքացիների համար կտրամադրվի անվճար, այս մասին պատվաստանյութի արտադրությանը նվիրված մամուլի ասուլիսին հայտարարեց ՀՀ առողջապահության նախարար Անահիտ Ավանեսյանը։
«Պետությունը պետական միջոցների հաշվին գնում կիրականացնի և անվճար կտրամդրի քաղաքացիներին այնպես, ինչպես՝ մյուս պատվաստանյութերը», - ասաց նախարարը։
Հարցին, թե հնարավոր է, որ այլ պատվաստանյութեր այլևս չներկրվեն, նախարարը պատասխանեց.
«Մեր քաղաքականությունն է հնարավորինս պահպանել պատվաստանյութերի լայն տեսականի Հայաստանում։ Որևէ պատվաստանյութ չի կարող փոխարինել բոլորին»։
