Ռուսաստանի հետ մեր հարաբերությունները լարելու, խզելու կամ փչացնելու մտադրություն չունենք:
Այս մասին Տալլինում Էստոնիայի վարչապետի հետ համատեղ ասուլիսի ժամանակ հայտարարել է Նիկոլ Փաշինյանը՝ պատասխանելով հարցին, թե Հայաստանը պատրա՞ստ է ամբողջապես դուրս գալ Ռուսաստանի ազդեցության գոտուց:
«Մենք ուզում ենք ունենալ լավ հարաբերություններ միջազգային բոլոր գործընկերների հետ, մենք ուզում ենք մեր հարաբերությունները կարգավորել մեր տարածաշրջանի երկրների հետ: Մենք ուզում ենք խորացնել մեր հարաբերությունները Եվրամիության հետ:
Այսօր Հայաստանում ԵՄ դիտորդական առաքելություն կա, մենք շնորհակալ ենք Եվրամիությանը դրա համար: Մենք վիզաների ազատականացման գործընթաց ենք սկսել: Առհասարակ մենք որդեգրել ենք բալանսավորված եւ բալանսավորման արտաքին քաղաքականություն»,- ասել է Նիկոլ Փաշինյանը՝ կրկնելով, որ Ռուսաստանի հետ հարաբերությունները լարելու կամ խզելու մտադրություն Հայաստանը չունի:
