Երեկ ձերբակալված 8 անձանցից չորսի նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բոլորն են բավարարվել են: Այս մասին տեղեկացնում է հակակոռուպցիոն կոմիտեի նախագահի մամուլի խոսնակ Մարինա Օհանջանյանը:
Նրա փոխանցմամբ՝ կալանավորված 4 անձանցից 3-ը քաղաքապետարանի պաշտոնյաներն են:
Հիշեցնենք, որ երեկ Երևանի քաղաքապետի մամուլի խոսնակ Հայկ Կոստանյանը տեղեկացրել էր, որ ձերբակալվել են Երևանի քաղաքապետարանի աշխատակիցներ։ Քաղաքապետարանը համագործակցում է իրավապահ մարմինների հետ՝ օրենքով սահմանված ընթացակարգերին աջակցելու նպատակով։
Ավելի ուշ պարզ դարձավ, թե ովքեր են այդ պաշտոնյաները:
