Երևանի քաղաքապետարանի գործակարգավարական նիստում անդրադարձ եղավ Նոր Արաբկիր առողջության կենտրոն ընկերության վերանորոգման աշխատանքներին: Երևանի քաղաքապետ Տիգրան Ավինյանին զեկուցեցին, որ 70 տոկոս է կատարողականը:
«ենթադրում եմ` այս տարի չենք հասցնելու»,- ասաց քաղաքապետը:
Արձագանքին, թե, ըստ շինարարի, հասցնելու են, Ավինյանը պատասխանեց.
«Շինարարին ժամկետը բավական երկար է տրված, դրանց մասով էլ պետք է հասկանալ` ինչու է այդպես ստացվում, որ մեր նախագծերը երկար ժամկետներով են, ստանդարտ պետք է վերանայենք, տարիներով չենք ուզում շինարարություն անել , հիմա` եթե լավն է շինարարը, կարողանում է շուտ անել, բայց անընդհատ շինարարի բարի կամքի հույսին մնալ չարժե»:
