Հարգելի Նիկոլ Փաշինյան, ես ձեզ էլ չեմ ընտրելու։ Այս մասին լրագրողների հետ զրույցում ասաց Կառավարության դիմաց բողոքի ակցիա իրականացնող տնտեսվարողներից մեկը:
«Գիտե՞ք դուք ինչ արեցիք, որ չարեց ոչ մի ղեկավար, կոտրեցիք հույսերը: Այն ժամանակ, որ դուք եկաք ու ասացիք, որ լինելու է սա, սա, սա, ու ժողովուրդը հավատաց ձեզ, վստահեց, եկավ ձեր հետևից, դուք արեցիք, ամենասարսափելին, կոտրեցիք հույսերը, մարդկանց վստահությունը:
Ես չգիտեմ՝ ձեզանից հետո ով է գալու, բայց այն, որ դուք արեցիք ամենասարսափելին, դա փաստ է: Հիմա մեր պահանջն այն է, որ այդ օրենքի հեղինակն իջնի այստեղ, ու պատասխանի, տեսնենք առանց քննարկելու ինչու մտցրեցին այս օրենքը, սա ի՞նչ ծրագիր էր»,- ասաց նա:
