Պետության քաղաքական օրակարգի ձևավորման գործում շատ մեծ է իշխանության դերը: Կախված իշխանության տեսակից, բնույթից, դավանած արժեքներից և ինտելեկտուալ կարողություններից, քաղաքական օրակարգը հագենում է համապատասխան դիսկուրսներով:
Հայաստանի արտախորհրդարանական ընդդիմությունը իշխանությանը քննադատում է պետության և հասարակության համար խիստ կարևոր և բովանդակային բազմաթիվ թեմաներով` փորձելով քաղաքական օրակարգը մեքենաների ջարդոնի մակարդակից բարձրացնել ավելի լուրջ բովանդակային ու կարևոր հարթություն:
Իզուր գործ է, քանի որ մեր հեղափոխակարգ իշխանությունները խիստ դիսկոմֆորտ են զգում լուրջ հարցերի շուրջ բանավիճելուց և ուղղակի չեն արձագանքում բովանդակային քննադատություններին, խուլ ու համր են ձևանում, առաջ են տանում իրենց ռաբիզ ու բովանդակազուրկ օրակարգը:
Սակայն պահը չեն կորցնում պաշտոնյայի կողմից իր ծննդյան 290.000 դրամ հաշիվ փակելու թեման լայն քննարկման նյութ դրաձնել` համարելով դա իրենց ինտելեկտուալ կարողություններին և բովանդակությանը համահունչ:
Հարգելիներս, եթե դուք ձեր աչքերն ու ականջները փակում եք և ձև եք տալիս, թե չեք լսում ու տեսնում ձեզ ուղղված քննադատությունները, ապա դա բացարձակ չի նշանակում, որ դրանք լսելի և տեսանելի չեն մեր հանրության համար: Եվ դուք ուզեք, թե չուզեք, մի օր ստիպված եք լինելու զբաղվել Հայաստանի համար իրական կարևորություն ներկայացնող հարցերով և պատասխանել ձեզ ուղղված քննադատություններին:
Այդ ժամանակ դուք իրականում կպարտվեք, քանի որ բովանդակային և խորքային դիսկուրսներում դուք, ձեր պրիմիտիվությամբ, ուղղակի անելի չունեք:
Գրում է «Մեկ Հայաստան» կուսակցության ղեկավար Արթուր Ղազինյանը իր ֆեյսբուքյան էջում
