Այսօր Վարչական դատարանը կոլեգիալ կազմով շարունակում է քննել Երևանի ավագանու «Մայր Հայաստան» խմբակցության դիմումը, որով վիճարկվում է Երևան քաղաքում կարմիր գծերի թանկացման իրավաչափությունը:
«Մայր Հայաստանը» պահանջում է չեղարկել թանկացման որոշումը:
Առաջին նիստը հետաձգվել էր Երևանի քաղաքապետի և ավագանու ներկայացուցչի` գործին մասնակցելուն ունակ չլինելու հիմքով: Երկրորդ նիստը ևս հետաձգվեց՝ այդ անգամ պատասխանող կողմի բացակայության պատճառով։
Դատարանում «Մայր Հայաստան» խմբակցության շահերը ներկայացնում է Վահե Գրիգորյանը:
