102 բուժաշխատող զոհվել, 83-ը վիրավորվել է Լիբանանում Մերձավոր Արեւելքում իրավիճակի սրման մեկ տարվա ընթացքում։ Այս մասին տեղեկացրել է Լիբանանում ՄԱԿ հումանիտար հարցերի համակարգման վարչությունը։
Ինչպես նշվել է փաստաթղթում, 2023թ. հոկտեմբերի 8-ից հետո Լիբանանում գրանցվել է նաեւ առնվազն 55 գրոհ բժշկական հաստատությունների, եւս 27-ը՝ շտապօգնության մեքենաների վրա։
Սեպտեմբերի 23-ին Իսրայելը սկսել է «Հյուսիսի նետեր» գործողությունը «Հեզբոլլահի» կազմավորումների դեմ, որի ընթացքում զանգվածային հարվածներ է հասցնում կազմակերպության ռազմական օբյեկտներին Լիբանանի տարածքում։ Սեպտեմբերի 27-ին ռմբակոծություններից մեկի հետեւանքով սպանվել է «Հեզբոլլահի» առաջնորդ Հասան Նասրալան։ Կազմակերպությունը հաստատել է նրա մահը եւ խոստացել շարունակել դիմակայությունն Իսրայելին։ Հոկտեմբերի 1-ի գիշերը իսրայելական բանակը հայտարարել է ցամաքային գործողություն սկսելու մասին Լիբանանի հարավի սահմանամերձ շրջաններում։
