Ռուսաստանի Դաշնության արտաքին գործերի նախարար Սերգեյ Լավրովը հայտարարել է, որ Ռուսաստանը «Ուկրաինայի ուղղափառներին փորձանքի մեջ մենակ չի թողնի»։
«Ռուսաստանը կհասնի նրան, որպեսզի հարգվեն ուղղափառ ուկրաինացիների օրինական իրավունքները, և որ կանոնական ուղղափառությունը վերականգնի իր կենտրոնական տեղն ուկրաինական հողերի ժողովրդի հոգևոր կյանքում»:
Լավրովի խոսքով, Կիևի ներկայիս իշխանությունները երկար տարիներ «հալածում» են Ուկրաինայի ուղղափառ եկեղեցուն (ՈՒՕԿ), իսկ այժմ եկեղեցին հասցրել են «օրինական լուծարման»։
Որպես օրինակ՝ նա բերեց եկեղեցիների շարունակվող զավթումները, վանդալիզմը և հարձակումները քահանաների և ծխականների վրա։
