Երիտասարդության միջազգային օրն՝ օգոստոսի 12-ին, ՀՀ 2025 թվականի երիտասարդական մայրաքաղաք Ապարանում նախատեսվում են իրականացնել մի շարք նախաձեռնություններ և միջոցառումներ։
ՀՀ կրթության, գիտության, մշակույթի և սպորտի նախարարությունը ՄԱԿ-ի բնակչության հիմնադրամի հայաստանյան ներկայացուցչության և Ապարանի համայնքապետարանի հետ համագործակցությամբ իրականացնում է առցանց հարցում: Ինչպես տեղեկացնում է ԿԳՄՍ նախարարության տարածած հաղորդագրությունը, հարցման նպատակն է կարևորել երիտասարդների ներգրավվածությունը և կարծիքը՝ այդ օրը կայանալիք միջոցառումները նրանց ցանկություններին և ժամանցային նախասիրություններին համապատասխան կազմակերպելու համար:
Հարցմանը հնարավոր է մասնակցել մինչև հունիսի 22-ը ներառյալ, որից հետո արդյունքները կամփոփվեն և կհրապարակվեն։
Հարցմանը մասնակցելու համար անհրաժեշտ է անցնել հետևյալ հղմամբ:
