Իրանի դեմ ռազմական գործողությունների առաջին 100 ժամվա արժեքը կազմել է 3.7 միլիարդ դոլար կամ օրական 891.4 միլիոն դոլար։ Այս մասին տեղեկացվել է Ռազմավարական եւ միջազգային հետազոտությունների կենտրոնի (CSIS) հրապարակման մեջ։
Այս ծախսերի մի մասն արդեն բյուջեով նախատեսված է, բայց մեծ մասը (3.5 միլիարդ դոլար)՝ ոչ։ Ապագա ծախսերը մեծապես կախված կլինեն գործողությունների ինտենսիվությունից եւ Իրանի արձագանքի արդյունավետությունից։
Ծախսերը բաժանված են երեք կարգի՝
գործառնական ծախսեր (ընդհանուր առմամբ մոտ 196 միլիոն դոլար, որից 178 միլիոն դոլարը բյուջեով նախատեսված է, իսկ մնացածը՝ ոչ),
զինամթերքի փոխարինում (մոտ 3.1 միլիարդ դոլար), որոնցից ոչ մեկը ներկայում բյուջեով նախատեսված չէ,
մարտական կորուստների փոխհատուցում եւ ենթակառուցվածքների վերականգնում (մոտ 350 միլիոն դոլար), նույնպես բյուջեով նախատեսված չեն։
