Հերոսներ և փրկիչներ փնտրելով հրաժարվում ենք պատասխանատվությունից, ազգային առաքելության և պետական քաղաքականության մեջ մեր փոքր պատասխանատվությունը ստանձնելու պարտավորությունից՝ ասաց ԱԺ «Լուսավոր Հայաստան» խմբակցության պատգամավոր Տարոն Սիմոնյանը հայտարարությունների ժամին: Նրա խոսքով՝ դրա համար էլ փնտրում ենք փրկիչներ, որ գան ու մեզ տանեն ինչ-որ մի երանելի ավարտ, մինչդեռ ավարտ և վերջ գոյություն չունեն, կարևորը ընթացքն է:
«Սա մեր ազգային հիմնական խնդիրն է, որ դեռևս չենք կարողացել հաղթահարել այսօր, և դրա համար է մեր սայլի անիվը անընդհատ կոտրվում իր սիրած փոսում»,- ասաց Սիմոնյանը՝ նշելով, որ հավատում է, որ մենք կհաղթահարենք նաև այսօրվա մարտահրավերը, որը կոչվում է հասունության մարտահրավեր, և կդադարենք փրկիչներ ու հերոսներ փնտրելուց:
