Կայացել է Գեղարքունիքի մարզի Գավառ համայնքի ավագանու ութերորդ նստաշրջանի առաջին նիստը, որը վարել է համայնքի ղեկավար Գուրգեն Մարտիրոսյանը։
Ինչպես տեղեկացնում է Գավառի համայնքապետարանի աշխատակազմը, աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետ Տիգրան Բրսիկյանը ներկայացրել է «Գույքահարկի գծով արտոնություններ սահմանելու մասին» հարցը։
«Համայնքային սեփականություն հանդիսացող գյուղատնտեսական նշանակության հողատեսքն աճուրդով օտարելու և մեկնարկային գին սահմանելու», «Համայնքային սեփականություն հանդիսացող անշարժ գույքերը գնահատելու և աճուրդային կարգով օտարելու», «Անշարժ գույքի անհատույց օգտագործման պայմանագրերի գործողության ժամկետները երկարաձգելու», «Համայնքային սեփականություն հանդիսացող խանութը և սպասարկման համար նախատեսված հողամասը ուղղակի վաճառքի միջոցով օտարելու», «Համայնքային սեփականություն հանդիսացող հողամասերը աճուրդային կարգով օտարելու և «Կոտայքի և Գեղարքունիքի ԿԿԹԿ» ՍՊԸ-ում համայնքի լիազորված ներկայացուցիչ նշանակելու մասին» հարցերը զեկուցել է համայնքապետարանի աշխատակազմի իրավաբանական բաժնի պետ Արա Գևորգյանը։
Աշխատակազմի քաղաքաշինության և հողաշինության բաժնի պետ Դավիթ Մազմանյանը ներկայացրել է «Համայնքային սեփականություն հանդիսացող հողամասերը աճուրդային կարգով օտարելու մասին» հարցը։
«Դրամական աջակցություններ տրամադրելու մասին» հարցը զեկուցել է համայնքապետարանի աշխատակազմի գլխավոր մասնագետ Վարսենիկ Խաչատրյանը։ Համայնքապետարանի ֆինանսատնտեսագիտական եկամուտների հաշվառման և հավաքագրման բաժնի գլխավոր մասնագետ Լիլիթ Բաբինյանը զեկուցել է «2024 թվականի գույքագրման և դուրսգրման ենթակա հիմնական միջոցների
և փոքրարժեք արագամաշ առարկաների փաստաթղթերի հաստատման մասին» հարցը։
«Ծաղկաշեն բնակավայրի վարչական սահմաններում գտնվող համայնքային սեփականություն հանդիսացող, օգտագործման սահմանափակումներ չունեցող, գյուղատնտեսական նշանակության հողատեսքերը մրցութային կարգով վարձակալությամբ օգտագործման տրամադրելու և տարեկան վարձավճար սահմանելու մասին» հարցը ներկայացրել է համայնքապետարանի աշխատակազմի գյուղատնտեսության և բնապահպանության բաժնի պետ Արծրուն Ղուրշուդյանը, իսկ «Գույքահարկի գծով արտոնություններ սահմանելու և սահմանված արտոնությունները Գավառ համայնքի 2024 թվականի բյուջեից փոխհատուցելու մասին» հարցը՝ ֆինանսատնտեսագիտական, եկամուտների հաշվառման և հավաքագրման բաժնի առաջատար մասնագետ Գևորգ Աղլամազյանը։
Հաջորդ նիստի օր է նշանակվել 2025 թվականի մարտի 10-ը:
Օրակարգում ներառված բոլոր հարցերը հաստատվել են քվեարկությամբ։
Ավագանու նիստին մասնակցել են նաև «ՔՀԿ-ների կարողությունների զարգացում» ենթադրամաշնորհի շրջանակներում իրականացվող «ՏԻՄուսույց» ծրագրի երիտասարդները, ովքեր համայնքի ղեկավարին և ավագանու անդամներին ուղղել են իրենց հետաքրքրող հարցեր։
