Ես և իմ թիմը շատ հստակ ասել ենք, որ կանենք ամեն ինչ, բայց չենք խախտի պայմանագիրը, Բրյուսելում եվրոպացի օրենսդիրներին ասել է Եվրոպական կենտրոնական բանկի նախագահ Քրիստին Լագարդը՝ Bloomberg-ի փոխանցմամբ։
Լագարդն ասել է, որ Եվրոպական կենտրոնական բանկը չի խախտի Եվրոպական Միության կանոնները՝ Ուկրաինային տրամադրվող վարկը, որը ապահովված է ռուսական սառեցված ակտիվներով, ֆինանսավորելու համար։
«Մենք չենք մերժում, մենք հետևում ենք կանոններին։ Ես ձեր Խորհրդարանի կողմից ԵԿԲ-ի նախագահ չեմ նշանակվել պայմանագիրը խախտելու համար», - ընդգծել է Լագարդը։
Եվրոպական կենտրոնական բանկի նախագահ Քրիստին Լագարդը Եվրախորհրդարանի լսումների ժամանակ ասել է, որ ռեպարացիայի վարկի օգտագործումը լարվածություն կլինի թե՛ իրավական, թե՛ ֆինանսական տեսանկյունից։
