Երևանի ավագանու արտահերթ նիստին քաղաքապետ Տիգրան Ավինյանը, դիմելով ավագանու ընդդիմադիր խմբակցություններին, ասաց, որ 1 տարի է, ինչ նրանք ասում են, թե ուղետոմսը դառնում է 300 դրամ: Ընդդիմադիրները տեղից արձագանքեցին, սկսվեց լեզվակռիվ, ապա՝ հրմշտոց ավագանու իշխանական և ընդդիմադիր խմբակցությունների անդամների միջև:
Տիգրան Ավինյանը դահլիճ հրավիրեց ոստիկաններին, որպեսզի վիճաբանող ավագանու անդամներին դուրս հրավիրեն դահլիճից:
Քաղաքապետը հայտարարեց 15 րոպե ընդմիջում:
