Եվրոպական Միության խորհուրդը նոյեմբերի 13-ին երկարաձգել է Վենեսուելայի դեմ պատժամիջոցները ոչ թե մեկ տարով, այլ վեց ամսով:
ԵՄ խորհուրդը հայտարարել է, որ պատրաստ է մեղմացնել կամ առհասարակ չեղարկել լատինաամերիկյան երկրի նկատմամբ սահմանափակող միջոցները որոշակի պայմաններում:
«Վենեսուելայում ստեղծված իրավիճակի պատճառով ԵՄ խորհուրդն այսօր, որպես բացառություն, որոշում է կայացրել երկարաձգել Վենեսուելայի դեմ սահմանափակող միջոցները ոչ թե մեկ տարով, այլ վեց ամսով, այսինքն՝ մինչև 2024 թվականի մայիսի 14-ը», - ինչպես հաղորդում է «ՌԻԱ Նովոստի»-ին, ասվում է Խորհրդի տարածած հայտարարության մեջ։
ԵՄ խորհուրդը պատժամիջոցների երկարաձգումը կրճատելու որոշումը բացատրել է նրանով, որ հավանություն է տալիս Վենեսուելայի կառավարության և ընդդիմության ներկայացուցիչների համաձայնությանը, որը ձեռք է բերվել հոկտեմբերի 17-ին Բարբադոսում բանակցություններից հետո։
Վենեսուելայի դեմ ԵՄ սահմանափակումներ մտցվել են 2017 թվականի նոյեմբերին։ Դրանք ներառում են զենքի էմբարգոն, ինչպես նաև ճանապարհորդության արգելքներ և ակտիվների սառեցում Վենեսուելայի մի շարք պաշտոնյաների նկատմամբ: Սեպտեմբերին Լյուքսեմբուրգում ԵՄ արդարադատության դատարանը մերժեց Վենեսուելայի անունից ներկայացված հայցը՝ եվրոպական պատժամիջոցների վերացման պահանջով։
