Եվրոպայի խորհրդի խորհրդարանական վեհաժողովը կքննարկի Լաչինի միջանցքի շրջափակման մարդասիրական հետևանքների հարցն այս նստաշրջանի օրակարգում: Այս մասին հայտնել է ՀՀ ազգային ժողովի պետաիրավական հարցերի հանձնաժողովի նախագահ, ԵԽԽՎ-ում հայկական պատվիրակության անդամ Վլադիմիր Վարդանյանը:
«ԵԽԽՎ-ն րոպեներ առաջ որոշեց քննարկել Լաչինի միջանցքի շրջափակման մարդասիրական հետևանքների հարցը այս նստաշրջանի օրակարգում»,-նշել է Վարդանյանը:
ԵԽԽՎ ձմեռային նստաշրջանն անցկացվում է հունվարի 23-27-ը:
