«Հայրենիք» կուսակցության նախագահ, Ազգային անվտանգության ծառայության նախկին տնօրեն Արթուր Վանեցյանի կինը՝ Նոնա Վանեցյանը, ժամեր առաջ ֆեյսբուքյան իր էջում դիմելով քաղաքացիներին, կոչ էր արել հավաքվել Շենգավիթի դատարանի առջև, որտեղ ժամը 16։00-ից պետք է քննվի Արթուր Վանեցյանի ձերբակալման օրինաչափության հարցը․
«Սիրելի հայրենակիցներ, հարազատներ և ընկերներ,
այս օրերին մեր կողքին կանգնողներ,
ժամը 16:00-ին բոլորս հավաքվում ենք Շենգավիթի դատարանի դիմաց:
Դուք լավ եք ճանաչում Արթուրին ու գիտեք, որ բացի օրինական ճանապարհից նա այլ ճանապարհ չի ունեցել երբևէ:
Վայրը՝ Արշակունյաց պողոտա, Կոմիտասի այգում»
Նշենք, որ այս պահին քաղաքացիների հետ դատարանի որոշմանն է սպասում նաև Նոնա Վանեցյանը՝ որդիների և փոքրիկ դստեր հետ։
